Konfiskohet një veturë me rreth 600 litra naftë
Dogana e Kosovës ka njoftuar se të hënën në mëngjes njësitet e saj kanë parandaluar një tentim të kontrabandimit të naftës në Mitrovicë.“Njësitet e doganës dhe task forcës kanë vërejtur se një automjet i llojit Opel Askona ngjyra e kuqe udhëtonte nga drejtimi i Mitrovicës dhe papritmas ndryshon drejtimin duke u futur në rrugët sekondare”, ka njoftuar Dogana.
Njësitet janë vëne në ndjekje ku edhe pas kërkimeve kanë arritur ta lokalizojnë këtë automjet.
Pas kontrollës së automjetit u konstatua që në automjet kishte të ngarkuar 33 bidonë me naftë, në total sasia që tentonte të kontrabandonte ishte 594 litra naftë. Dogana ka konfiskuar gjithashtu edhe automjetin pasi që i njëjti ishte nuk ishte i zhdoganuar. /Telegrafi/
