Kosova dërgon në Vlorë flamurin kombëtar 150 m²
Me rastin e 100-vjetorit të krijimit të Shtetit Shqiptar, në qytetin e Durrësit ka arritur nga Kosova flamuri ynë Kombëtar, më i madhi që është përdorur ndonjëherë në të gjitha trojet shqiptare.Është ky flamuri që ka një sipërfaqe prej 150 metrash katror, ndërkaq destinacioni i tij nuk është qyteti i Durrësit, por ai i Vlorës ku do të valvitet në kremten e 100 vjetorit të Pavarësisë së Shqipërisë.
Sipas portalit Albeu.com, ky është flamuri më i madh kombëtar pas flamurit që ishte ekspozuar në një ndeshje të kombëtares shqiptare në futboll. /Telegrafi/
