Kosova duhet të bëjë reforma të thella

20:21 / 11.02.2013

Kryetari i Kuvendit të Kosovës, Jakup Krasniqi priti sot në takim zëvendësdrejtorin e përgjithshëm të Drejtorisë së Përgjithshme për Zgjerim, në Komisionin Evropian, Joost Korte, me të cilin bisedoi për të arriturat e deritashme të Kosovës në rrugën e integrimeve evropiane, si dhe për hapat e angazhimet që duhet ndërmarrë në të ardhmen.

Në takim u bisedua për të arriturat e deritashme të Kosovës në rrugën e integrimeve evropiane, si dhe për hapat e angazhimet që duhet ndërmarrë në të ardhmen. Aty u tha se për t’u bërë pjesë e Bashkimit Evropian duhen bërë reforma të thella.

Kryeparlamentari Krasniqi e informoi Korte për punën që Kuvendi ka bërë dhe po bën aktualisht në përmirësimin e infrastrukturës ligjore, sidomos në legjislacionin që ka të bëjë me sundimin e rendit e të ligjit, si dhe integrimet evropiane.

Krasniqi tha se Kuvendi ka zbatuar rekomandimet e raporteve të progresit dhe të Studimit të Fizibilitetit, ndërsa sa i përket ligjeve, para miratimit është bërë përafrimi i tyre me standardet evropiane.

Kryetari Krasniqi e njoftoi atë edhe me angazhimet për pavarësimin e Kuvendit, si dhe për punën që po bëhet në mbikëqyrjen e ekzekutivit e të institucioneve të tjera.

Zëvendësdrejtori i përgjithshëm i Drejtorisë së Përgjithshme për Zgjerim, në Komisionin Evropian, Joost Korte, çmoi punën e Kuvendit dhe foli për veprimet që Kosova duhet ndërmarrë në të ardhmen, në zbatimin e reformave të thella, si parakusht për integrim në Bashkimin Evropian. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.