Kosova përfshihet nga moti i ftohtë

13:32 / 5.01.2010

Bora që ra sot ka vështirësuar qarkullimin në komunikacion. Megjithatë rrugët janë të kalueshme thanë zyrtarë të policisë. Deri në mesditë kanë qenë të kalueshme edhe rrugët rajonale si dhe pikat kufitare.

Zyrtarja për informim e Policisë së Kosovë, Sabrije Kamberi tha për RTK se deri në mesditë nuk është paraqitur ndonjë pengesë, që mund të vështirësonte qarkullimin në komunikacion.

Meteorologët parashikojnë përmirësim të motit ditëve që vijnë. Nuk do të ketë reshje të intensitetit të lartë. Drejtori i Institutit Hidrometeorologjik të Kosovës, Sylë Tahirsylaj thotë se do të ketë ngritje të temperaturave.

“ Këto reshje nuk do të jenë reshje intensive, do të përfundojnë gjatë ditës së sotme dhe temperaturat do të rriten dhe deri në fund të javës do të jenë 10 gradë celsius. Nga fundi i javës do të ketë reshje më intensive dhe por gjithnjë me kondita normale klimatologjike, prandaj do të ketë erë nga dita e sotme e cila do të ndikojë që të shkrihet edhe kjo sasi e borës e cila ka ra”, tha Tahirsylaj.

Megjithatë, bora ka vështirësuar qarkullimin e automjeteve në komunikacion. Policia e Kosovës, apelon tek ngasësit e automjeteve të shtojnë kujdesin dhe të mos dalin në rrugë pa pajisje dimërore. /RTK/Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.