Krasniqi: Asociacioni nuk do duhej të ketë kompetenca ekzekutive

11:27 / 27.02.2013

Kryetari i Kuvendit të Kosovës, Jakup Krasniqi, deklaroi të mërkurën se Asociacioni i Komunave me shumicë serbe nuk është diçka e re, pasi sipas tij, ky asociacion është i paraparë edhe me pakon e Ahtisaarit.

Krasniqi këto komente i bëri pas mbledhjes së Kryesisë së Kuvendit të Kosovës.

Por, sipas kryeparlamentarit, kompetencat e Asociacionit duhet të jenë në përputhje me Kushtetutën dhe ligjet e Kosovës.

Ai theksoi se duhet të shihet qëllimi i këtij organizimi, edhe pse sipas tij, ky asociacion nuk do të duhej të kishte kompetenca ekzekutive.
Krasniqi ka folur edhe për zgjedhjet e ardhshme në vend.

Ai ka vlerësuar se zgjedhjet e ardhshme në Kosovë duhet të organizohen nga vendorët. Sipas tij, institucionet dhe subjektet politike duhet të marrin përsipër përgjegjësinë që ju takon me Kushtetutë dhe ligj, por Krasniqi tha se duhet të ketë prezencë të ndërkombëtarëve për monitorimin e tyre. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.