Krimi ndaj Limajve, 35.5 vjet burg për Krasniqët
Trupi gjykues i Gjykatës së Qarkut të Prizrenit, i udhëhequr nga gjyqtarja e EULEX-it, Annemarie Meister, ka shqiptuar gjithsej 35.5 vjet burg për anëtarët e familjes Krasniqi, të cilët kanë qenë të përfshirë në vrasjen e Skender Limajt dhe plagosjen e Azem dhe Ilir Limajt, me 1 janar 2011, në restorantin “Kështjella” në Banjë të Malishevës. Në bazë të aktgjykimit të shpallur të premten, raporton “Koha Ditore”, Emin Krasniqi është dënuar me 23 vjet burg, Berat Krasniqit me dënimin unik i janë shqiptuar 7.5 vjet burg, derisa Astrit Krasniqi e Hazir Krasniqi janë dënuar me nga 2 vjet burgim, e Durim Krasniqi me një vit burg. Ndërkohë është marrë parasysh edhe koha e kaluar në paraburgim. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
|
|
