Kuçi: Të implementohen marrëveshjet
Zëvendëskryeministri dhe Ministri i Drejtësisë i Kosovës, Hajredin Kuçi, në ditën e parë të vizitës së tij në Bruksel është takuar me Ndërmjetësin e Bashkimit Evropian në dialogun teknik ndërmjet Republikës së Kosovës dhe asaj të Serbisë, Robert Cooper“Kuçi shprehu qëndrimin e Kosovës që të implementohen konkluzionet e arritura në dialog dhe këtë qëndrim kishte edhe z. Cooper”, thuhet në një komunikatë të Ministrisë së Drejtësisë.
Gjatë bisedës u theksua se implementimi i konkluzioneve të arritura është nevojë dhe kusht i domosdoshëm për fitimin e besimit dhe cilësisë së dialogut. si dhe shprehjes së gatishmërisë për fqinjësi të mirë dhe respekt reciprok. /Telegrafi/
