Kukës, kërcënim me granata dore
Një 30-vjeçar është vënë në pranga për shkak se ka kërcënuar me granatë një të afërm të tij. Xhevat Halilaj me dy granata, të cilave u kishte hedhur siguresën, ka terrorizuar kushëririn G.S.
Një ngjarje e tillë ka ardhur në fshatin Cana. Shkak ishte konflikti i hapur mes tyre. Mësohet se Halilaj, 30 vjeç, duhej t’ia paguante personit me inicialet G.S. një shumë prej 60 mijë lekësh.
Pas debatit lidhur me këtë çështje, Halilaj ka ndërmarrë aktin e kërcënimit me granatë. Fqinjët e tyre kanë lajmëruar policinë, e cila ka prangosur 30-vjeçarin.
Pas arrestimit, policia ka sekuestruar dhe dy granata të tjera defensive, të fshehura në trup. Ndërsa, një tjetër granatë është gjetur dhe në banesën e tij. /Telegrafi/
