Kusari-Lila: Nuk i kemi borxh PSDK-së

21:04 / 7.02.2013

Procesi i ndryshimit të emrave në dikasterët qeveritarë, duket se do të ndodhë. Kalimi i kryetarit të Partisë Social-Demokrate të Kosovës (PSDK) në Partinë Demokratike të Kosovës (PDK), Agim Çekut, e ka kushtëzuar kryeministrin Thaçi - njëherazi kryetar i PDK-së - që partnerit të koalicionit t’i ofrojë Ministrinë e Zhvillimit Ekonomik. Zëvendëskryetarja e Aleancës për Kosovë të Re (AKR), Mimoza Kusari-Lila, nuk ka mohuar se ajo mund të kalojë nga Ministria e Tregtisë dhe Industrisë në ministrinë e Zhvillimit Ekonomik.

Partia e themeluar nga Kaqusha Jashari, PSDK, të cilën së fundi i udhëhoqi ministri i Forcës së Sigurisë së Kosovës (FSK), Agim Çeku, ndihet e tradhtuar nga partitë tjera me të cilat në zgjedhjet e fundit të përgjithshme pati krijuar aleancën parazgjedhore Koalicioni për Kosovë të Re.

Në lidhje me kërcënimet e Jasharit se do të padis partnerët e KKR-së (AKR-në dhe Partinë e Drejtësisë) me pretendimet se i takon një ministri në kuadër të këtij koalicioni, Kusari-Lila ka thënë se kjo çështje është rregulluar në mes të i ish kryetarit të PSDK-së dhe AKR-së me marrëveshjen për postin e Çekut si ministër i FSK-së.

Kusari-Lila ka thënë po ashtu për Telegrafin se brenda Koalicionit për Kosovë të Re ende nuk është diskutuar çështja e emrave se kush do të mund të drejtonte MZHE-në. E pyetur nëse do të ishin në gjendje ta drejtonin këtë ministri që i takon barra kryesore në procesin e privatizimit, Kusari-Lila tha se (KKR) i ka bërë të qarta qëndrimet rreth privatizimit të aseteve shtetërore, siç janë PTK-ja dhe KEK-u. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.