Kushtetuesja vërteton amnistinë për rastet e Hagës
Gjykata Kushtetuese në Maqedoni ka vërtetuar amnistinë për rastet e Hagës, që ngarkonin ish-kreun dhe ish-përfaqësuesit e UÇK-së.Në këtë gjykatë ishte dorëzuar nisma për vlerësimin e kushtetutshmërisë së nenit 1 të Ligjit për Amnisti të miratuar në vitin 2001 dhe të rikonfirmuar përmes interpretimit autentik në qershor të 2011 nga mazhoranca aktuale VMRO-DPMNE dhe BDI, raporton INA.
Nisma e dorëzuar pranë kësaj gjykatës nga një grup qytetarësh nga Tetova është hedhur poshtë dhe se është vlerësuar se Parlamenti ka sjellë një vendim të tillë përmes kornizave ligjore. Gjykata Kushtetuese në dy raste kishte shqyrtuar këtë çështje dhe kishte hedhur poshtë anulimin e Ligjit për amnisti. /Telegrafi/
