Kuvendi i Shqipërisë unanimisht heq imunitetin
Kuvendi i Shqipërisë ka miratuar të martën Ligjin për Heqjen dhe Kufizimin e Imunitetit. Për ligjin votuan 129 deputet, derisa nuk pati asnjë abstenim dhe asnjë votë kundër.Kuvendi rrëzoi propozimet e Partisë Socialiste për ndryshimet kushtetuese, që preknin kryesisht emërimet në Gjykatën e Lartë, atë Kushtetuese dhe Prokurorisë.
Ndryshe, një votim për heqjen e imunitetit të deputetëve dhe zyrtarëve tjerë shtetërore pat dështuar në muajin gusht. Atëbotë, kryeministri Sali Berisha, pati deklaruar se do të kërkojë që të mbahet referendum për heqjen e imunitetit.
Mazhoranca dhe opozita, ashtu sikurse edhe ishte paralajmëruar më herët, bashkuan votat në Kuvend për të miratuar ligjin për heqjen e imunitetit. /Telegrafi/
