Kuvendi i Shqiptarëve të Zvicrës uron 5 vjetorin e Pavarësisë

22:28 / 17.02.2013

Me rastin e 5 vjetorit të pavarësisë së Kosovës, Kuvendi i Shqiptarëve të Zvicrës i drejton urime popullit të Kosovës, bashkatdhetarëve që jetojnë në diasporë dhe të gjithë shqiptarëve kudo që janë.

“Me dëshirat më të sinqerta lutemi që Republika e Kosovës të konsolidohet edhe më tej në një shtet stabil e demokratik. Me një zhvillim të qëndrueshëm politik, ekonomik e të përkushtuar ndaj politikave sociale në vend. Një shtet që garanton sundimin e ligjit, që lufton me vendosmëri korrupsionin dhe krimin e organizuar, duke ofruar barazi, siguri dhe liri për të gjithë qytetarët pa dallim”, thuhet në urimin e Kuvendit të Shqiptarëve të Zvicër, transmeton Albinfo.

“Kuvendi i Shqiptarëve të Zvicrës beson thellë se populli i Kosovës dhe Qeveria nuk do të harrojnë kontributin e diasporës shqiptare për çlirimin dhe rindërtimin e vendit. Ata do të dinë t`i japin vendin e merituar diasporës shqiptare. Do të dinë të çmojnë miqtë e popullit shqiptar që i ndihmuan në kauzën e tyre kombëtare për liri dhe demokraci”, thuhet në urim. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.