Liderët nderojnë dëshmorët

11:28 / 16.02.2013

Presidentja e Kosovës Atifete Jahjaga, kryeministri Hashim Thaçi dhe kryetari i Lidhjes Demokratike të Kosovës Isa Mustafa, sot së bashku kanë bërë homazhe në Prekaz, te varrezat e familjes Jashari.

Ata thanë se janë në Prekaz për të nderuar jetën dhe veprën e Komandantit Legjendar Adem Jashari dhe sakrificën e Familjes Jashari, se janë aty që bashku të bëjnë nderime shtetërore për këtë sakrificë të madhe, si dhe të marrin energji dhe përkushtim për angazhimet e tyre të ardhshme.

Një ditë para pesëvjetorit të shpalljes së pavarësisë së Kosovës, personalitete të larta të shtetit, kryetarë partish politike, një pjese të agjendës së tyre kanë rezervuar për homazheve në varreza dhe monumente të atyre që kanë bërë për lirinë e vendit.

Presidentja e Kosovës, Atifete Jahjaga, ka paralajmëruar se do të bëjë homazhe edhe në varrezat e dëshmorëve në Klinë, Pejë, Gllogjan, Landovicë e Reçak. Më pastaj, edhe te shtatorja e Zahir Pajazitit dhe te varri i ish-Presidentit të Kosovës, Ibrahim Rugova. Agjendë përafërsisht të ngjashme ka paralajmëruar për sot edhe Kryeministri i vendit, Hashim Thaçi.

Në Prekaz dhe varreza të tjera të dëshmorëve, do të bëjnë homazhe edhe Nënkryetarët e Kuvendit të Kosovës dhe kryetarët e grupeve parlamentare, si dhe kryetari i Aleancës për Ardhmërinë e Kosovës, Ramush Haradinaj. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.