Limaj sërish paraqitet në prokurori
Ish-ministri i Transportit dhe deputeti i Kuvendit të Kosovës, Fatmir Limaj është thirrur prapë sot në Prokurorinë speciale të e EULEX-it. Kjo thirrje është bërë për nënshkrimin e procesverbalit të seancës dëgjimore të datës 20 mars të këtij viti.Avokati mbrojtës i Fatmir Limajt, Tahir Rrecaj tha se prokurori ka tentuar që ta marrë në pyetje prapë sot Fatmir Limajn. Por, sipas tij ky hetim i është i është i kundërligjshëm për arsye se hetimet kanë përfunduar në muajin prill.
Ai theksoi se lidhur me këtë rast prokurori nuk i ka dhënë asnjë shkresë të lëndës.
”Jo nuk ka mundësi ligjore për shkak se neni 222 i Kodit të procedurës penale e parasheh qartë. Nëse prokurori ka filluar një hetim të ri kundër Florim Limajt kjo nuk i jep atij të drejtë të vazhdojë hetime edhe kundër personave të tjerë të bazuar në aktvendim që dedikohet për Florim Limajn”', tha Rrecaj, transmeton RTK.
Prokurori i EULEX-it, Johannes Picke, po zhvillon hetime të reja kundër Fatmir Limajt.
Ky prokuror ka zgjeruar hetimet kundër Demir Limajt dhe Endrit Shalës, që lidhen me ish-ministrin e Transportit, Fatmir Limaj, dhe ka nxjerrë vendim për nisje të hetimeve kundër Florim Limajt.
Rrecaj tha se Limaj nuk do të thirret prapë në prokurori. /Telegrafi/
