Liria fetare është e kufizuar
Shtetet e Bashkuara të Amerikës thonë se mostoleranca fetare ka vazhduar të pllakosë botën në vitin e kaluar. Në botimin e fundit të raportit vjetor mbi liritë fetare, Departamenti amerikan i Shtetit tha se qeveritë në shtetet, si Bahrein, Irak dhe Rusi, kanë reaguar ndaj konfliktit dhe grupeve që i konsiderojnë “ekstremistë të dhunshëm” në ato mënyra që kanë kufizuat lirinë fetare dhe kanë kontribuar në jotolerancë sociale.Në raport thuhet se ligjet mbi blasfeminë, apostazinë dhe shpifjen janë përdorur në masë më të madhe nga qeveritë në vitin e kaluar duke kufizuar kështu liritë fetare.
Po ashtu, siç transmeton REL, thuhet se një numër shtetesh, përfshirë Kinën, Iranin, Korenë Veriore dhe Arabinë Saudite, mbesin “shkelësit kronikë dhe sistematikë” të lirisë fetare.
Në raport vihet në pah një rritje globale e antisemitizmit dhe jotolerancës në mes të grupeve tjera përfshirë ahmaditë, bahaitë, budistët dhe myslimanët ujgurë. /Telegrafi/
