Lirohet ish-zëvendësministri Januz Kastrati
Ish-zëvendësministri i Tregtisë dhe Industritë (MTI), Januz Kastrati, është liruar të merkurën nga Qendra e Paraburgimit në Dubravë. Lajmi është konfirmuar nga avokati i tij, Nuhi Paçarizi.Sipas avokatit Paçarizi, gjyqtari i procedurës paraprake, pasi është ballafaquar me provat dhe dëshmitë që i janë sjell, ka marrë vendim që Kastrati të lirohet.
“Ne besojmë e me të gjitha provat dhe dëshmitë që i kemi sjellë, në prokurori, ndaj ish-zëvendësministrit Kastrati, nuk do të ketë kurrferar aktakuza”, ka thënë ai.
Ndryshe ish-zëvendësministri i Tregtisë dhe Industritë (MTI), Januz Kastrati, dyshohet se gjatë periudhës që ka qene në detyrë ka shpërdoruar detyrën zyrtare. /Telegrafi/
