LISBA, kundër Hamitit e pro Tërrnavës

18:48 / 18.08.2013

Lëvizja Islame Bashkohu (LISBA), nëpërmjet një kumtese, deklaron se nuk do të lejojë që Xhabir Hamiti të jetë në krye të Bashkësisë Islame të Kosovës.

“Është absurd dhe qesharak pretendimi i tij për të ardhur në krye të BIK-ut kur dihet se BIK-u përfaqëson interesat e besimtarëve myslimanë ndërsa përkthyesi Xhabir Hamiti nuk ka përkrahjen e asnjë besimtari myslimanë, dhe për më tepër nuk do të arrijë as plotësimin e kushteve që parashohin dispozitat statutore për kandidim për kryetar të BIK-ut”, thuhet në kumtesë.

Lëvizja Islame Bashkohu deklaron se konform rregullave të parapara statutore do të angazhohet për shkarkimin e Xhabir Hamitit nga pozita e kryetarit të Kuvendit të BIK-ut.

“Ne kemi një Islam dhe ai buron nga Kurani dhe Tradita Profetike. Kjo është feja jonë dhe do të jetë me Emrin e Allahut deri në ditën e fundit të kësaj bote. Prandaj, çdo akuzë drejtuar BIK-ut për radikalizëm është thjeshtë mjet perfid për të arritur qëllimet e atyre që nuk ia duan të mirën myslimanëve të Kosovës dhe të ardhmes së vendit, ndërsa BIK-u dhe në veçanti Myftiu Tërrnava i kanë shërbyer me besnikëri islamit dhe myslimanëve”, thuhet në kumtesë, ku ndër të tjera kërkohet që myftiu Tërrnava të vazhdojë të jetë në krye të Bashkësisë Islame të Kosovës. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.