Lugina vlerëson kushtëzimin e vizitave të zyrtarëve serbë në Kosovë

17:01 / 5.01.2013

Përfaqësuesit shqiptarë të Luginës së Preshevës e kanë vlerësuar lartë qëndrimin zyrtar të Qeverisë së Kosovës për kushtëzimin e vizitave të liderëve serbë në Kosovë, me ato të liderëve kosovarë në Luginën e Preshevës.

Zyrtarët shqiptarë të Luginës, në deklaratat e tyre kanë thënë se reciprociteti është kërkesë e kamotshme e shqiptarëve të Luginës, duke vlerësuar se në rajon fatkeqësisht kjo masë është aktualisht çelës i zgjidhjes së problemeve dhe jo respektimi i të drejtave legjitime, raporton RTK.

Shqiptarët e Preshevës, Bujanocit dhe Medvegjës, ndryshe nga fqinjët e tjerë, kanë pranuar realitetin e ri në Ballkan, por të drejtat e tyre me dekada janë nëpërkëmbur. Ndaj si domosdoshmëri të kohës, kanë zgjedhur alternativën për kërkim të realizimit të të drejtave të tyre në shkallë reciprociteti me realizimin e të drejtave të serbëve në Kosovë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.