Makolli kërkon ulëse në Parlament për diasporën

14:50 / 3.02.2013

Ministri i Diasporës, Ibrahim Makolli, nga radhët e AKR-së, kërkon që diaspora kosovare të ketë vendet e rezervuara në Kuvendin e Kosovës.

Në një konferencë për media sekretari i përgjithshëm i AKR-së, Ibrahim Makolli, tha se në kuadër të reformës zgjedhore partitë politike duhet të gjejnë modalitetet që edhe kosovarët që jetojnë nëpër vendet perëndimore të përfaqësohen në Kuvend.

Makolli po kështu ftoi liderët e subjekteve parlamentare që të intensifikojnë punimet në zhbllokimin e reformës zgjedhore dhe kushtetuese në mënyrë që edhe marrëveshja e tre liderëve Thaçi, Mustafa dhe Pacolli të zbatohet.

Makolli bëri të ditur se procesi i brendshëm zgjedhor i AKR-së pritet të përfundojë gjatë muajit prill.

I pyetur nga gazetarët nëse AKR-ja do të arrijë të marrë drejtimin e ndonjë ministrie pas adermit të Agim Çekut në PDK, Makolli tha se javën e ardhshme pritet të përfundojnë bisedat me partnerin e koalicionit edhe për këtë çështje. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.