Makolli: Rrezikojmë të futemi në krizë institucionale
Aleanca për Kosovën e Re dhe Lidhja Demokratike e Kosovës, që ishin pjesë e marrëveshjes që nxori për presidente Atifete Jahjagën, nuk e kanë pritur mirë vendimin e Gjykatës Kushtetuese. Sekretari i Përgjithshëm i AKR-së, Ibrahim Makolli, ka deklaruar që në rast të mos respektimit të marrëveshjes, që është bërë rezolutë e Kuvendit më pas, vendi rrezikon të futet në krizë institucionale, transmeton Koha.net.
Lidhja Demokratike e Kosovës pret respektimin e marrëveshjes nga të gjithë aktorët. Ndërsa partitë tjera opozitare, thonë se problemi është tek marrëveshja, që e cilësojnë të jashtëligjshme. /Telegrafi/
