Marrëveshja Kosovë-Serbi, problem vetëm gjyqtarët?
Beogradi dhe Prishtina kanë arritur një marrëveshje mbi veriun e Kosovës, por nuk kanë rënë ende dakord se kush do të emërojë atje gjyqtarët, shkruan portali "Ballkanin Insight".Një diplomat në kushte anonimiteti tha për BI se zyrtarët e Kosovës dhe të Serbisë janë pajtuar mbi autoritetin ekzekutiv, i cili do t’ju dorëzohet në komunave në veri të Kosovës, por nuk bien dakord për atë se kush pos EULEX-it do të emërojë gjyqtarët në veri: serbët e Kosovës apo Qeveria në Prishtinë.
Burimi tha se të dy palët kanë pajtuar për pushtetin ekzekutiv dhe të ardhmen e "Asociacionit të komunave serbe", e cila do të zëvendësojë institucionet paralele të financuara nga Serbia dhe do të veprojë nën kontrollin e përgjithshëm të Prishtinës.
Përfaqësuesja e Lartë e BE-së, Catherine Ashton, mbërriti sot në Beograd nga Kosova në përpjekjen për të zgjidhur formën e ardhshme të sistemit gjyqësor në pjesën veriore të Kosovës nën sundimin serb, shkruan BI, transmeton Beta.
Burimet e agjencisë Beta në Bruksel nuk kanë konfirmuar e as mohuar informacionet e tilla, me arsyetimin se bisedimet janë në një fazë serioze.
Në anën tjetër, nga deklaratat e presidentit serb Tomislav Nikolic dhe kryeministrit të Serbisë Ivica Dacic, pas takimit me përfaqësuesen e lartë të BE-së, Catherine Ashton, nuk ishin të qarta nëse ka marrëveshje me Prishtinën.
Mosmarrëveshja mbi veriun e Kosovës vazhdojnë dhe të dy palët nuk ia dolën të merren vesh në Bruksel në raundin e 4 marsit. Takimi i ardhshëm do të mbahet më 20 mars. /Telegrafi/
