Me nderime të larta u varros Arbën Xhaferri
Mijëra qytetarë, personalitete publike si dhe diplomatë të huaj kanë marrë pjesë në ceremoninë e varrimit të Arbën Xhaferrit në varrezat e Tetovës.Vdekja e ish liderit të PDSH-së, Arbën Xhaferi ka shkaktuar heshtje të plotë në Tetovë.
Para selisë së PDSH-së, ku ishte vendosur arkivoli me trupin e pajetë të Arbën Xhaferit, ku janë bërë edhe homazhe, ishin tubuar mijëra e mijëra qytetarë që kishin ardhur nga të gjitha qytetet dhe viset tjera shqiptare, njofton Ina.
Në ora 13.30, në heshtje të plotë, shoqëruar me kurora lulesh duke filluar nga ajo e familjes së ngushtë, institucioneve, partive dhe degëve të PDSH-se si dhe të pranishmëve të tjerë u nxor në duart e krerëve të PDSH-se arkivoli i Arben Xhaferit, që u vendos në veturën funerale dhe u nisën drejt banesës së tij të fundit në varrezat e qytetit të Tetovës.
Mijëra e mijëra qytetarë formuan kortezhin të cilit i printe vetë kryetari i PDSH-së, Menduh Thaçi. /Telegrafi/
