Miliarderja e parë afrikane
Ajo është rreth 40 vjeç dhe është gruaja më e pasur në një kontinent të tërë. Isebel dos Santos, vajza më e madhe e presidentit të Angolas, Jose Eduardo dos Santos, ka arritur pasurinë mbi 1 miliard dollarë.Sipas revistës amerikane Forbes, ajo është e para miliardere e Afrikës.
Por, si ka mundësi që është bërë kaq shpejt e pasur? Mbështetja e familjes ka ndikuar shumë.
Ajo ka rritur ndjeshëm kohët e fundit aksionet në kompani angoleze dhe portugeze. Kështu, ajo është aksionere kryesore në rrjetin televiziv kabllor portugez ZON Multimedia. Po ashtu ka aksione në bankën BIC dhe në shoqërinë telefonike Unitel.
Sipas Forbes, vetëm këto arrijnë një pasuri prej 1 miliard dollarë.
Babai i saj është në pushtet që nga viti 1979. Angola ka fituar pavarësinë nga Portugalia në vitin 1975.
Vitet e fundit vendi ka njohur zhvillim të madh për shkak të zbulimit të rezervave të mëdha të naftës.
Megjithatë, shumica e popullsisë jeton në varfëri ekstreme. Kurse klasa e pasur jeton në kryeqytetin Luanda në kushte luksoze. Ata kanë blerë edhe shumë pasuri e vila në Europë./Telegrafi/
