Ministria e Brendshme: Shkarkohet drejtori Astrit Halilaj
Një valë ndryshimesh ka përfshirë Ministrinë e Brendshme ditën e sotme. Burime nga ky institucion bëjnë me dije se me urdhër të ministrit Flamur Noka është larguar nga detyra drejtori i Shërbimit të kontrollit të Brendshëm (SHKB) Arjan Halilaj, i cili është zëvendësuar nga Bashkim Shehu. Ish-kreu i SHKB-së, Astrit Halilaj pritet të emërohet në një pozicion drejtues në Policinë e Tiranës. Ndërkaq, burime të Ministrisë së Brendshme bëjnë me dije se është propozuar momentalisht dhe ndryshimi i Drejtorit të Qarkullimit Rrugor, Vullnet Topalli, transmetojnë mediat.
Ndryshime në pozicionet drejtuese pritet të ketë gjatë këtyre ditëve dhe në struktura të tjera nën varësi të Ministrisë së Brendshme. Për sa i përket Policisë së Shtetit, ndryshimet të qenësishme në këtë organizatë sipas burimeve pritet të bëhen në shtator, ku nuk përjashtohet dhe titullari më i lartë drejtues.
Këto janë lëvizjet e para që pas emërimit të Flamur Nokës, si ministër i Brendshëm. /Telegrafi/
