Mirëpritet heqja e neneve kontestuese nga Kodi Penal
Asociacioni i Gazetarëve Profesionistë të Kosovës (AGPK) mirëpret miratimin në votim të dytë të Kodit Penal të Republikës së Kosovës, që nënkupton se dy nenet kontestuese 37 dhe 38 janë hequr definitivisht nga Kodi.AGPK falënderoi gazetarët, mediat, përfaqësuesit ndërkombëtarë në vend dhe organizatat partnere në botë, të cilët me kontributet e tyre kanë bërë që nëpërmjet këtij Kodi të mos cenohet liria e shprehjes dhe e medieve në Kosovë.
“AGPK do të angazhohet intensivisht në krijimin e një baze sa më të mirë ligjore të punës së mediave dhe gazetarëve”, thuhet në kumtesën e AGPK-së. /Telegrafi/
