Mos dilni në diell, temperaturat mbi 40 gradë
Duke i pasur parasysh temperaturat e larta, si dhe indeksin e rrezatimit UV, të cilat i vështirësojnë kushtet për të punuar në vende të hapura, kërkohet që të mos dilet në diell nga ora 11.00 deri në orën 17.00.“Kërkohet që të punësuarve t’iu mundësohen kushte që gjatë ditës të kenë mundësi të freskohen, të mundësohen pauza më të shpeshta dhe të konsumohen më shumë lëngje”, thuhet në kumtesë nga ministria përgjegjëse.
Nëpër çerdhet e fëmijëve rekomandohet që mos të shëtisin fëmijët pas orës 10 të mëngjesit dhe t’iu jepet atyre të konsumojnë ushqime të lehta.
Temperaturat do të lëvizin nga 36 deri 43 gradë celsius, kurse në Shkup do të ketë temperaturë të nxehtë dhe do të fryjë erë e lehtë nga veriu.
Temperaturat në mëngjes ishin 21 gradë celsius, kurse në Shkup do të arrijë temperature deri në 41 gradë celsius. /Telegrafi/
