MPB në gatishmëri për veprime tjera për "Monstra"
Ministrja e Brendshme e Maqedonisë, Gordana Jankulovska deklaroi sot se janë lëshuar fletë arrestet për dy të kërkuar si persona të dyshuar për vrasjen e pesëfishtë në Smilkovc. Ajo gjithashtu shtoi se organeve përgjegjëse gjithashtu i është dorëzuar edhe tërë materiali dhe dokumentacioni që ka poseduar MPB lidhur me operacionin "Monstra". Dy të dyshuarit të shpallur nga hetuesia si përgjegjës për vrasjen e pesëfishtë, Alil Demiri dhe Afrim Islamovic janë në arrati, ndërsa katër të tjerët janë në paraburgim, transmeton INA.
Jankulovska theksoi e në interes të procesit gjyqësor që pritet të filloj, nuk do të zbardh detaje plotësuese. Ajo shtoi se MPB do të jetë në gatishmëri ndaj kërkesave të institucioneve lidhur me rastin e vrasjes së pesëfishtë në Smilkovc të Shkupit. /Telegrafi/
