Musliu: S’lejojmë të na rrënohen vlerat çlirimtare

13:31 / 28.12.2012

Jonuz Musliu, kryetar i Lëvizjes së Progresit Demokratik ka deklaruar të premten se nuk e kanë ngritur Lapidarin e dëshmorëve të ish UÇPMB-së për ta prishur dhe se nuk do të lejojnë që të rrënohen vlerat çlirimtare.

Ai theksoi se lapidari i dëshmorëve është ngritur për ta përkujtuar veprën heroike të ish luftëtarëve, për lirinë e vendit.

“Nuk do të lejojmë, që dikush t’na rrënoj vlerat tona çlirimtare, monumentet tona kulturore, identitetin dhe dinjitetin tonë”, tha Musliu.

Sipas tij, kryeministri serb Ivica Dacic, nuk e ka vështirë të kërcënohet se do ta shemb Lapidarin e ish dëshmorëve të UÇPMB-së, po aq sa nuk e patën vështirë forcat e ish shefit të tij Milosevic, t’i vrasin ata në vatrat e tyre stërgjyshore, duke mbrojtur pragun e shtëpisë dhe nderin e familjes.

“Kërkoj nga spektri politik shqiptar, unitet, të paktën në mbrojtjen e trashëgimisë sonë kulturore, duke i përdorur të gjitha mekanizmat e lejueshme për t’i dalë zot vlerave tona çlirimtari”, thuhet mes tjerash në reagimin e Jonuz Musliut, kryetar i Lëvizjes së Progresit Demokratik, ish shef politik i UÇPMB-së. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.