Mustafa: Të rritet presioni ndërkombëtar ndaj Serbisë
Kryetari i Lidhjes Demokratike të Kosovës, Isa Mustafa në takim me ambasadoren e Republikës së Turqisë në Kosovë,Songul Ozan, ka deklaruar të komuniteti ndërkombëtar duhet edhe me tej të rris presionin ndaj Serbisë, në mënyrë që kjo e fundit ti heq nga Kosova strukturat e saja ilegale.Kryetari Mustafa dhe ambasadorja Ozan diskutuan për zhvillimet e fundit në Kosovë, me theks të veçantë për reformën zgjedhore dhe bisedimet me Serbinë.
Kreu i LDK-së insiston dhe qëndron mbrapa qëndrimit që marrëveshja e nënshkruar në mes të liderëve të LDK-së, PDK-së dhe AKR-së dhe e garantuar nga Ambasada Amerikane duhet të zbatohet në përpikëri, sepse përndryshe besimi politik në mes të partive në vend do të humbte dhe një gjë e tillë do të rrezikonte zhvillimin e demokracisë në vend, thuhet në kumtesën e lëshuar nga zyra për informim e LDK-së.
Mustafa tha se partia që udhëheq ai, LDK, është që rregullimi i raporteve fqinjësore me të gjitha shtetet fqinjë të bëhet përmes bisedave, por në asnjë mënyrë nuk është që në këtë biseda të diskutohet për integritetin, sovranitetin dhe rregullimin e brendshëm të vendit.
Ambasadorja e Republikës së Turqisë, Songul Ozan theksoj se në Ballkan më nuk do të këtë asnjë ndryshim kufijsh, e në këtë kornizë pjesa veriore e Kosovës është pjesë e pandashme e Republikës së Kosovës dhe duhet të trajtohet brenda kornizave të pakos presidentit Ahtisaari. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
|
|
