NATO është alternativa e vetme për Maqedoninë
Kryetari i Bashkimit Demokratik për Integrim, Ali Ahmeti është takuar të premten me ambasadorin e Shteteve të Bashkuara të Amerikës në Maqedoni, Poll Volers. Në njoftimin e BDI-së thuhet se Ahmeti dhe Volers kanë diskutuar për zhvillimet politike në vend dhe perspektivën euroatlantike të Maqedonisë, në veçanti pas samitit të NATO në Çikago.
Volers uroi BDI-në për 10 vjetorin e themelimit të partisë, duke thënë se është bërë shumë në këto 10 vite të fundit në Maqedoni, por akoma ka edhe shumë punë për tu bërë.
Ahmeti falënderoi ambasadorin Volers për rolin konstruktiv të Shteteve të Bashkuara të Amerikës, në ndërtimin e shoqërisë multietnike në Maqedoni.
Bashkëbiseduesit gjithashtu folën edhe për të ardhmen e Maqedonisë pas samitit të NATO në Çikago, me ç’rast Volers rinkonfirmoi qëndrimin se vendi i Maqedonisë është në NATO, duke shprehur besimin se proceset, sado të vështira që mund të jenë, kanë zgjidhje dhe janë të arritshme.
Ahmeti ritheksoi qëndrimin se NATO është alternative e vetme për Maqedoninë. /Telegrafi/
