NATO vret liderin e Hakanit
Forcat e NATO-s thanë se kanë vrarë liderin e grupit Hakani gjatë një sulmi nga ajri në lindje të Afganistanit.Koalicioni ushtarak ndërkombëtar tha se Sher Mohamad Hakimi është vrarë të dielën në provincën Logar.
Shefi i policisë së kësaj province, Raeis Kan Rahimzai, tha se Hakami ishte i ulur nën një pemë me disa bashkëpunëtorë në momentin e vrasjes, transmeton Evropa e Lirë.
NATO-ja njoftoi se katër persona të tjerë janë vrarë gjatë sulmit.
Rahimzai tha se Hakami njihej për rolin që ka pasur në organizimin e sulmeve me bomba nëpër rrugë dhe për trajnimin e sulmuesve. /Telegrafi/
