Ndalet rryma, Kurtit i ndërpritet fjala në Deçan

23:06 / 6.02.2013

Për të tretën herë brenda një muaji deçanasit kanë protestuar për të njëjtin qëllim, kundërshtimin e vendimit të Dhomës së Posaçme të Gjykatës Supreme, që i fal manastirit të Deçanit më shumë se 23 hektarë tokë shoqërore.

Në protestën e mijëra qytetarëve, edhe një herë janë përsëritur thirrjet e njëjta në drejtim të institucioneve shtetërore të Kosovës, e veçmas atyre të drejtësisë, që të mbrojnë kushtetutën e vendit dhe ligjet e saj. Në të kundërtën, nëse nuk shfuqizohet ky vendim arbitrar, siç e quajnë ata, protestat do të marrin përmasa të tjera, raporton KTV-ja.

Sipas Këshillit organizativ, kjo protestë vjen si shenjë mospajtimi edhe ndaj deklaratave të ambasadores amerikane dhe atij britanik që, siç thanë organizatorët, po bëjnë presion diplomatik.

Në këtë protestë morën pjesë edhe liderët e lëvizjes Vetëvendosje, Albin Kurti dhe Dardan Molliqaj.

Sipas zyrtarëve të kësaj lëvizje, derisa Albin Kurti iu drejtua protestuesve, atij i është ndalur fjalimi me arsyetimin se ishte ndërprerë energjia elektrike.

“Vetëvendosje” pohon se kjo i është bërë qëllimisht./Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.