Ndërkombëtarët zhgënjehen nga prishja e PDSH-së me RDK-në
Përfaqësuesit ndërkombëtarë në Shkup janë të zhgënjyer nga prishja e bashkëpunimit midis PDSH-së dhe RDK-së.“Jemi të befasuar nga prishja e këtij bashkëpunimi të deklaruar, akoma pa bërë asnjë hap apo pa e formalizuar atë. Është mirë që liderët e secilës parti të arsyetohen para elektoratit se përse u prishën marrëdhëniet. Me këtë krijohen kushtet që partitë e mazhorancës të jenë më komode përballë një opozite të dobët”, theksoi për Ina, një diplomat perëndimor.
Në fillim të dhjetorit të vitit të kaluar, PDSH dhe RDK, përmes liderëve Menduh Thaçi dhe Rufi Osmani, shpallën nismën e bashkëpunimit mes subjekteve të tyre politike. Ata u pajtuan për një plan dinamik, në funksion të realizimit të objektivave të përbashkëta, në dobi të shqiptarëve dhe të tejkalimit të problemeve të shumta të vendit. /Telegrafi/
