Ndreca: Do t’i kërkoj takim Hilary Clintonit
Drejtuesi i grevës së urisë së ish-të përndjekurve politikë Gjergj Ndreca, i cili ishte i pari që u vetëdogj me benzinë nga spitali QSUT, ku vijon të kurohet, shprehet se pas letrës që i dërgoi sekretares amerikane të shtetit Hilary Clinton, shpreson që ta takojë gjatë vizitës së saj në Tiranë më 1 nëntor. Ndreca paralajmëron se greva e ish- të burgosurve politikë do të vijojë ndërkohë kërcënon se ajo të të ketë sërish akte vetë-flijues. Ish-i burgosuri politik shprehet se bashkë me shokët, nuk do tërhiqet nga kërkesat për marrjen e dëmshpërblimeve që iu takojnë.
Gjergj Ndreca, ish-i burgosuri politik, u bë i njohur për reagimet e tij të dhunshme kundër politikanëve dhe arriti kulmin me djegien e tij publike në 8 tetor përpara tendave të grevës së urisë në zonën e 'Komunës së Parisit'. Pas 31 ditësh të ngujuar në një çadër në zonën e “Komunës së Parisit” në Tiranë, ish-të përndjekurit politik i dhanë fund grevës së tyre duke theksuar se lufta për kauzën e tyre nuk përfundon me kaq. /Telegrafi/
