Në QKUK, mjekët nga Australia operojnë disa fëmijë

20:38 / 26.02.2013

Në Klinikën e Kirurgjisë së Fëmijëve, të QKUK-së, një ekip i mjekëve nga Australia, po kryen disa operacione të ndërlikuara tek fëmijët me probleme urogjenitale dhe gastrointestinale. Ekipi nga Australia po realizon këto operacione, në kuadër të vizitës 2 javore në Prishtinë dhe Tiranë. Operacionet do të vazhdojnë gjatë gjithë javës dhe do të përfitojnë edhe fëmijë të tjera më probleme urogjenitale.

Dje dhe sot janë kryer operacione tek fëmijët me anomali të lindura dhe shumë komplekse që përfshinë organet urogjenitale dhe traktin urinar të sipërm, të kombinuara me anomali te sistemit gastrointestinal.

Operacionet po i kryen Profesor Paddy Deëan nga Spitali Universitar i Melburnit të Australisë dhe Profesor Nexhmi Hyseni, me ekipin e mjekeve të Kirurgjisë së Fëmijëve.

Kjo është vizita e tretë e Profesor Paddy Dewan, me ndihmesë të Organizatës Australiane e ashtuquajtur "Kind Cuts for Kids" misioni i së cilës është të ndihmojë ofrimin e shërbimeve mjekësore tek fëmijët me sëmundje të rënda në vendet në zhvillim.

Kjo organizatë ndihmon në avancimin e shërbimeve shëndetësore të këtyre vendeve në edukim, demonstrimin e shkathtësive praktike mjekësore, përkatësisht të teknikave operative të sofistikuara me qëllim transferi të tyre në stafin e mjekëve vendor. Gjithashtu komuniteti shqiptar ne Melburn, e ka mbështetur financiarisht këtë vizitë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.