Në sytë e Amerikës, Evropa është kontinent i dështuar!
Themeluesi i Qendrës për Ekonomi dhe Hulumtime “Think Tank”, britaniku Douglas McWilliams, pas vizitës në Shtetet e Bashkuara, ka bërë një koment në portalin “Public Service Europe”, në të cilin shkruan se “në sytë e amerikanëve, Bashkimi Evropian, por edhe Evropa si e tërë, është bërë çështje e së kaluarës”. “Në sytë e Amerikës, Evropa është bërë çështje e së kaluarës. Ajo që më së shumti u shkon në nerva amerikanëve është se Evropa është bërë pengesë e zhvillimit të shpejtë të ekonomisë botërore”.
Analisti i njohur britanik ka thënë se është shumë e vështirë t’u shpjegohet evropianëve se sa të margjinalizuar janë bërë në sytë e amerikanë, por si ç ka thënë ai, e vërteta sado që është e hidhur, mbetet e vërtetë.
“Sapo jam kthyer nga Neë Yorku dhe prej atje Evropa shihet si një pikë turistike apo si një vend i veçantë për Lojëra Olimpike. Kaq! Evropa prej atje më shumë shihet si pengesë për stabilizimin ekonomik. Madje për rrethin e presidentit Barack Obama, zhvlerësimi i euros mund të ndikojë edhe në rënien e ekonomisë amerikanë gjatë mandatit të dytë të presidentit, që ata besojnë se do ta fitojë në zgjedhjet e nëntorit”.
Por McWilliams shkruan se sikur Evropa të ishte aq e parëndësishme për amerikanët, atëherë nuk do të kishte shkaktuar ngadalësimin e zhvillimit ekonomik botëror. “Amerikanët e kanë krijuar këtë opinion të keq për Evropën, sepse ushatarakisht ky kontinent është bërë i padobishëm. Dhe këtë e vërteton më së miri roli i vogël ushtarak i evropianëve në luftërat e zhvilluara në Irak dhe Afganistan”. /Telegrafi/
