Në veri, as Mbrojtja Civile as FSK-ja!

16:21 / 7.02.2013

Për sigurinë në pjesën veriore të Kosovës nuk ka nevojë të kujdeset as “Mbrojtja Civile” e as FSK-ja, por duhet të ketë prani më të dukshme të KFOR-it, EULEX-it dhe Policisë së Kosovës. Ky është qëndrimi i ish-sekretarit shtetëror për Kosovën në Qeverinë e Serbisë, Oliver Ivanovic.

Ai ka deklaruar për Telegrafin se deklarata akuzuese ndaj institucioneve ndërkombëtare të sigurisë e bërë nga kryetari ilegal i Mitrovicës, Krstimir Pantic, ishte emocionale dhe nuk shprehte as qëndrimin e Partisë Progresive Serbe të Aleksandar Vucicit, të cilës i takon.

Ndërkohë, Ivanovic ka deklaruar se hapja e zyrave analoge në Prishtinë dhe Beograd pritet që të relaksojë raportet ndërmjet të dyja palëve.

Ai deklaron se i emëruari në postin e përfaqësuesit diplomatik të Serbisë në Prishtinë, Dejan Pavicevic, ka punuar një kohë të shkurtër në ish-Ministrinë për Kosovën.

“Pavicevic ka mbështetjen e Qeverisë në postin e ri. Këta po merren me çështjen e Kosovës, ndërsa unë jetoj në Kosovë’, ka thënë Ivanovic.

Emri i Oliver Ivanovicit ishte përfolur si njëri prej kandidatëve të mundshëm për postin e përfaqësuesit diplomatik të Serbisë në Prishtinë, por ai pati deklaruar se e kishte vështirë të fitonte këtë post për shkak se duhej të kishte edhe përkrahje politike nga Beogradi. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.