Negociata për traktatin e armëve
Në selinë e Kombeve të Bashkuara, në New York, po zhvillohen negociata, që synojnë përpilimin e traktatit të parë të detyrueshëm, i cili rregullon tregun botëror të armëve.Negociatat që fillojnë sot planifikohet të zgjasin deri më 27 korrik.
Raportet thonë se ka ndasi midis vendeve në lidhje me atë se sa i vështirë duhet të jetë traktati në rregullimin e tregut, që kap vlerën e më shumë se 60 miliardë dollarësh në vit.
Shtetet e Bashkuara dhe vendet tjera duan ta përjashtojnë municionin nga traktati, ndërsa Kina nuk dëshiron që traktati të mbulojë armët e vogla.
Ekziston edhe një debat në lidhje me atë, nëse mbrojtja e të drejtave të njeriut nga vendet e ndryshme të përfshihet si kriter për lejimin ose jo të qeverive për eksportim armësh, transmeton Rel.
Shtetet e Bashkuara janë eksportuesi më i madh në botë i armëve, e më pas vijnë Britania, Kina, Franca, Gjermania dhe Rusia. /Telegrafi/
