New Yorku përgatitet për uraganin Sandy
Guvernatori i shtetit, Andrew Cuomo, ka thënë se Qyteti i New Yorkut, do t’i pezulloj sot të gjitha shërbimet e trenit, të metrosë dhe të autobusëve, para ardhjes së pritur të uraganit Sandy. Qyteti i New Yorkut do ta ndalë qarkullimin e shërbimeve të përmendura në orën 19:00 sipas kohës lokale (24:00 sipas kohës së Evropës së Mesme).
Pritet që uragani Sandy, të martën të përplaset në bregdet afër shtetit Delaware, ku ai do të ndeshet me dy sisteme të kohës dimërore, derisa lëvizë kah brendia e tokës.
Zyrtarët u kanë tërhequr vërejtjen banorëve që të jenë të përgatitur për disa ditë pa rrymë.
Gjendje e jashtëzakonshme është shpallur në New York, New Jersey, Connecticu, Pennylvania, Maryland, Virginia dhe Washington, D.C.
Nga stuhia Sandy tashmë kanë humbur jetën më se 40 vetë në Karaibe.
Presidenti amerikan, Barack Obama, dhe kandidati republikan, Mitt Romney, i kanë anuluar fushatat e tyre dhe kanë bërë plane të reja për zgjedhjet e 6 nëntorit. /Telegrafi/
