Ngutia për "politizimin" e varrezave

21:43 / 16.01.2013

Policia ka arrestuar dje një person të dyshuar për dëmtimin e varrezave ortodokse serbe në Fushë-Kosovë, ndërsa është theksuar se vepra nuk ishte motivuar nga urrejtja ndëretnike. Ndërsa ky akt është dënuar ashpër nga presidentja, kryeministri, ambasada amerikane dhe shumë institucione të tjera, duke e cilësuar si një akt që e dëmton rëndë bashkëjetesën ndëretnike në vend. Por, ka vlerësime se institucionet zakonisht nguten për të dënuar akte të tilla, pa pritur shpjegimet e organeve të sigurisë.

Në një prononcim për Telegrafin, kreu i KMDLNJ-së, Behxhet Shala ka deklaruar se drejtuesit politikë duhet që të dënojnë aktet e tilla makabre të dëmtimit të varrezave, pavarësisht nëse ato janë të ortodoksëve, myslimanëve apo të tjerëve.

“Por, është e rëndësishme që dënimi që bëhet nga ana e bartësve të institucioneve të jetë thjesht indinjatë e natyrshme ndaj akteve të tilla vandale të dëmtimit të varrezave”, ka thënë Shala.

Përmes një deklarate për shtyp, policia përjashtoi mundësinë se motivet etnike ose fetare, të kenë qenë nxitur dëmtimin e përkujtimoreve dhe gurëve të varrezave në Fushë-Kosovë, duke thënë se kryesi i veprës kishte vjedhur disa nga gurët e varreve për përfitim personal.

Në rastet kur ka pasur sulme ndaj varrezave, në të gjitha rastet ka pasur reagime të ashpra, duke gjetur ‘fajtorët kujdestarë’ .

Në rast të sulmit ndaj varrezave të serbëve janë fajësuar ‘ekstremistët shqiptarë’, ndërsa kur janë sulmuar varrezat e qytetarëve të përkatësisë islame, zakonisht janë fajësuar të ashtuquajturit ‘vehabistë’, një grup që vlerësohet se mban qëndrime ekstreme. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.