Një 83 vjeçar humb jetën aksidentalisht
Një 83 vjeçar, banor i lagjes numër 2, në komunën e Skenderajt, është raportuar të ketë humbur jetën aksidentalisht, si pasojë e rrëzimit të tij nga pllaka e katit të shtëpisë.Njësitë policore të stacionit Skenderaj, rreth orës 08:00min, janë informuar lidhur me rastin dhe kanë reaguar menjëherë në vend të ngjarjes.
Pjesëtarët e PK-së, në vend të ngjarjes kanë takuar viktimën A.Durmishi, të shtrirë për tokë dhe pa shenja jete.
Në vend të ngjarjes ka dalë edhe mjeku kujdestar i cili ka konstatuar vdekjen e viktimës.
Në bazë të raporteve hetimore të policisë, besohet se viktima ishte duke ujitur pllakën e katit të parë të shtëpisë në ndërtim e sipër, ndërsa besohet se aksidentalisht ka rrëshqitur dhe është rrëzuar për tokë.
Hetuesit policor të drejtorisë rajonale të Policisë në Mitrovicë, nuk kanë identifikuar elemente të mundshme për vepër penale, ndërsa rasti është kualifikuar si vdekje aksidentale.
Me vendim të prokurorit publik i cili është informuar lidhur me rastin, trupi i pajetë i viktimës i është dorëzuar familjarëve të tij. /Telegrafi/
