Një grua i vë flakën vetes dhe hidhet nga pallati
Një ngjarje e rëndë ka ndodhur mëngjesin e së enjtes në fshatin Babicë të Vlorës. Një 65-vjeçare i ka vënë flakën vetes dhe është hedhur nga kati i pestë i pallatit.Viktima është Nazire Isa Mersini, 65 vjeçe, banuese në fshatin Babicë e Madhe. Mersini, ka spërkatur veten me lëndë djegëse, i ka vënë flakën dhe më pas është hedhur nga kati i pestë i pallatit ku banonte duke gjetur vdekjen e menjëhershme, raporton Noa.al.
65-vjeçarja vuante nga shëndeti mendor dhe kishte tentuar edhe herë të tjera të vetëvritej, thanë burime zyrtare të policisë. Forcat e rendit kanë shkuar menjëherë në vendngjarje dhe kanë nisur hetimet. /Telegrafi/
