Një muaj paraburgim për hajnin që i vodhi armën policit

17:03 / 20.02.2013

Husmet Abdylit, të arrestuar më 13 shkurt nën dyshimin se më 3 janar 2013 i ka vjedhur një polici të Gjilanit revolen, prangat, radiolidhje dhe sprejin, gjykatësja e procedurës paraprake, Emine Salihu, i ka caktuar masën e paraburgimit prej një muaji.

Policia ka arritur të arrestojë Husmet Abdyli nga Gjilani, i dyshuar për veprën penale “vjedhje e rëndë dhe shitje të armëve”.

Prokurori i rastit Arben Kadriu tha për rajonipress se Husmet Abdyli më 3 janar 2013 i ka vjedhur një policit të Gjilanit revolen, prangat, radiolidhjen dhe sprejin.

Kadriu tha se nga hetimet e para është konstatuar se i dyshuari revolen e ka shitur kurse gjësendet tjera i ka humbur.

Kadriu tha se me kërkesën tonë gjykatësja e procedurës paraprake në Gjykatën Themelore të Gjilanit, Emine Salihu i ka caktuar masën e paraburgimit prej një muaji Abdylit. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.