Obama i përkrahë integrimet e Maqedonisë
Presidenti i Maqedonisë, George Ivanov, pati një takim në New York me presidentin amerikan, Barack Obama.Në takim, gjatë pritjes për shefat e delegacioneve që marrin pjesë në Asamblenë e Përgjithshme të Kombeve të Bashkuara, presidenti i Maqedonisë Ivanov kërkoi që të vazhdohet përkrahja që SHBA-ja ia jep Maqedonisë për marrjen e ftesës për anëtarësim në NATO.
Obama theksoi se SHBA-ja jep përkrahje të fortë për integrimin e Maqedonisë në NATO. Ai njëkohësisht shprehu falënderime për kontributin që Maqedonia e jep në misionet ushtarake, siç është misioni në Afganistan.
Presidenti amerikan në takim me shefin e shtetit të Maqedonisë e inkurajoi dialogun e Maqedonisë me Greqinë, për tejkalimin e kontestit për emrin, me shpresë se do të gjendet zgjidhje.
Obama tha se është e nevojshme që të punohet për realizimin e hyrjes së Maqedonisë në NATO. /Telegrafi/
