Obama: Lufta e amerikanëve në Afganistan përfundon më 2014

9:00 / 13.02.2013

Presidenti amerikan, Barack Obama, ka deklaruar se lufta e SHBA-ve në Afganistan do të “përfundojë” deri në fund të vitit 2014.

Në një fjalim të tij, Obama tha se 34 mijë trupa amerikane do të lënë Afganistanin gjatë vitit të ardhshëm. Pas largimit të trupave gjatë vitit 2014, Obama tha: “Lufta jonë në Afganistan do të merr fund”.

Obama bëri të ditur se rrjeti i militantëve të Al-Qaida-s, tashmë është vetëm një “hije nga ajo çfarë kanë qenë më herët”, transmeton Rel.

Ai i ka bërë thirrje liderit të Iranit që të ofrojë një zgjidhje diplomatike për krizën nukleare, duke thënë se një koalicion ndërkombëtar është i vendosur për të parandaluar Republikën Islamike të prodhojë armë bërthamore.

Obama e dënoi testin bërthamor të Koresë së Veriut të bërë të martën, dhe u zotua të ndjekë shkurtime të mëtejshme në arsenalin bërthamor të SHBA-ve dhe Rusisë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.