OSBE dhe MD për procesin e reformave
Ministri i Drejtësisë, Blerim Bexheti, të mërkurën ka realizuar takim pune me shefin e Misionit të OBSE-s në Shkup, Ralf Bret, ndërsa bashkëpunimi i mëtejshëm midis MD-së dhe OSBE-së kanë qenë temat e diskutuara.“Temë e bisedës në këtë takim ishte përmirësimi i procesit në dhënien e ndihmës juridike pa pagesë dhe ndryshimet e po të njëjtit ligj. Në këtë kontekst u përmend edhe ndryshimi eventual në ligjin me të cilin do të zgjerohet rrethi i ndihmës juridike pa pagesë, në pjesën e shfrytëzuesve”, thuhet në komunikatën e ministrisë së Drejtësisë, ndërsa transmeton INA.
Nga ana tjetër, ambasadori Bret theksoi se edhe në të ardhmen pret bashkëpunim të mirë me Ministrinë e Drejtësisë, e në disa aktivitete me temp edhe më të shpejtë.
Bexheti u falënderua për bashkëpunimin e deritanishëm, për gatishmërinë për ndihmë dhe asistencë në aktet ligjore të misionit të OBSE-s në Shkup si dhe potencoi se shpreson që kjo do të vazhdojë edhe në të ardhmen. /Telegrafi/
