Pakistan, Bilwal Bhutto fillon karrierën politike

19:41 / 27.12.2012

Djali i ish kryeministres pakistaneze, Benazir Bhutto, e ka filluar sot karrierën e tij politike në përvjetorin e pestë të vrasjes së nënës së tij.

Bilawal Bhutto Zardari (24 vjeçar) i është drejtuar një turme prej mijëra njerëzve, të cilët ishin mbledhur në mauzoleun e familjes Bhutto në provincën Sindh.

Në fjalimin e tij Bilawal, duke qëndruar së bashku me babanë e tij, Asif Ali Zardari, që është presidenti i Pakistanit, ka premtuar vazhdimin e luftës kundër atyre që ai i cilësoi si “forca antidemokratike”.

Biwal Bhutto Zaradari është bashkëkryesues i Partisë Popullore të Pakistanit dhe ende është i ri për të marrë pjesë në zgjedhjet kombëtare, që pritet të mbahen vitin e ardhshëm.

Ai në krye të partisë erdhi pas vrasjes së nënës së tij, në sulmin me bombë në vitin 2007, por deri tash ka luajtur rol në prapavijë, pasi i ka kryer studimet universitare në Britani. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.