Panetta kërkon mirënjohje nga Karzai
Sekretari amerikan i Mbrojtjes, Leon Panetta, i ka bërë thirrje presidentit të Afganistanit, Hamid Karzai që të jetë mirënjohës forcave aleate dhe të ndalojë së kritikuar. Këto komente të sekretarit amerikane të mbrojtjes vijnë pasi ditë më parë, presidenti afgan ka thënë se forcat e udhëhequra nga Shtetet e Bashkuara kanë dështuar të ndjekin militantët, të cilët kryejnë sulme në Afganistan dhe kthehen në strehë të sigurta në Pakistan.
Paneta ka thënë se Karzai, në vend të kësaj, duhet të shprehë falënderim për sakrificat e trupave të NATO-s, raporton AP.
“Ne kemi bërë progres në Afganistan, sepse ka burra dhe gra në uniformë, të gatshëm për të luftuar dhe vdekur për sovranitetin e Afganistanit”, u shpreh ndër të tjera Panetta. /Telegrafi/
