Panetta: Sanksionet s’po e bindin Iranin
Sekretari amerikan i Mbrojtjes, Leon Panetta ka deklaruar se sanksionet gjithnjë e më të ashpra ndërkombëtare kundër Iranit ende nuk e kanë detyruar që të heqë dorë nga ambiciet e tij bërthamore, megjithatë u shpreh se presioni përfundimisht do ta detyrojë Iranin ta “bëjë atë që është e drejtë.”Ai këto komente i bëri në Tunizi, gjatë turneut të tij pesë-ditor në Lindjen e Mesme dhe Afrikën e Veriut.
Pas takimit me udhëheqësit e rinj islamikë në Tunizi, ai pritet të vizitojë të martën Kajron për bisedime me presidentin e ri islamik të Egjiptit, Mohamed Morsi dhe liderin ushtarak marshall Mohamed Husein Tantavin, njoftojnë mediat.
Të mërkurën, Panetta ka në plan të vizitojë Izraelin, liderët e të cilit vend kanë thënë se po mendojnë për një sulm ushtarak për ta ndaluar Iranin që të zhvillojë armë bërthamore.
Washingtoni dëshiron që Izraeli t'iu japë sanksioneve dhe diplomacisë më shumë kohë, edhe pse "të gjitha opsionet" janë në tavolinë. Irani thotë se programi i tij bërthamor është paqësor. /Telegrafi/
