Paraburgim për Sabedin Rekën e Valsat Sejdiun
Kryetari i Gjykatës Themelore në Gjilan ka konfirmuar se gjykatësja e procedurës paraprake, Drane Simonaj, u ka caktuar Sabedin Rekës dhe Valsat Sejdiut masën e paraburgimit prej 30 ditësh, për veprën penale “vjedhje e rëndë”. Kryetari i Gjykatës Themelore në Gjilan, Zyhdi Haziri, ka konfirmuar për Rajonipress këtë vendim.
Sabedin Reka nga Kaçaniku është shtetas i Maqedonisë, si dhe Valsat Sejdiu. Ky i fundit me vendbanim në Binqë të Vitisë. Ata janë të dyshuar për vjedhjen e kishave serbe në Kllokot, Partesh, Binqë dhe Budrikë .
Haziri tha se në arrati ndodhen edhe tre të dyshuar tjerë, shqiptarë, po ashtu shtetas të Maqedonisë. /Telegrafi/
